చిట్టి కవితలు

మార్పు

లార్వా దశ లేనిది
సీతాకోక చిలుక లేదు
కాలగమన మార్పు లేనిదే
మనిషి మనుగడ లేదు

పద్ధతి

భూమిలోన విత్తనం నాటి
నీరు పోయకున్న ఫలితమేమి
ఎన్ని చదువులు చదివినా
క్రమశిక్షణ లేని జీవితమేమి


తప్పు దారి

చేతిలోన పరీక్ష పుస్తకం
తలలోన సినిమాలు సీరియల్సు
చిత్తం శివుని మీద
భక్తి చెప్పుల మీద

మాయా జగత్తు

వేషాలు లేకుండా
నాటకాలు లేవు
మాయ మాటలు లేని
జగమే లేదు

----- తుమ్మ భాస్కర్