ధనం

ధనం మిదం జగత్
ధరనియే దనం చుట్టూ పరిభ్రమిస్తున్నది
డబ్బు లేనిదే
మంత్రసాని పిల్లను కననివ్వదు
డాక్టర్ కత్తెర్లను
కడుపులోనుండి తీయడు
డబ్బు లేనిదే
కాన్వెంట్లో అడ్మిషోను దొరకదు
దేవాలయంలో దర్శనం దొరకదు
ఎన్నికలలో సీటు దొరకదు
డబ్బు లేనిదే
గేటు దగ్గరి అటెండరు
ఆఫీసురు దర్శనమిప్పించాడు
మంత్రి గారు మాట్లాడరు
డబ్బు లేనిదే
ఆడపిల్ల అత్తగారింటికేల్లదు
నిరుద్యోగి ఉద్యోగి కాడు
పాలలో నీళ్ళు
బియ్యంలో రాళ్ళు
ఏ వస్తువులోనైన కల్తీ కలపడం
డబ్బు కోసమే
ప్రభుత్వాలు
పని చేయకపోయినా
పన్నులు విధించడం డబ్బు కోసమే
డబ్బు లేనిదే
ఓటరు ఓటు వేయడు
ఆఫీసులో ముద్ర పడదు
ఇంట్లో అన్నం ముద్ద పెట్టరు
డబ్బు లేనిదే
స్నేహితం లేదు
చుట్టరికం లేదు
ప్రేమకు స్థానం లేదు
కత్తులు ఝులిపించేది
రాజ్యాలను కూల్చేది
అంతరాలను అంతమొందించేది
డబ్బు కోసమే

--- తుమ్మ భాస్కర్