ప్రయాణం

రైలులో కాదు ప్రయాణం
స్థలం మీద కాదు
లేడీ మీద పరుగు
ఉదయం కనిపించిన
నుదుటి సూర్యబింబం
మరల సాయంత్రం కనిపించింది
ఉదయం వెనక సీటు
సాయంత్రం ఎదుటి సీటు
దాని బుగ్గపైని గాటు
నా గుండెపై హాటు
అందమైన ఆ వెన్నెలను
తాగాలని ఉంది
అపరిచుతులం
కృష్ణ (రైలు )
లయ విన్యాసాలతో పరుగెడుతుంది
బైట గాలికి
పవిట పెట పెటా లేచింది
దగ్గరలోనే మేరు పర్వతం
మబ్బు చాటున దాగి కనిపించింది
బాపు గీచిన బొమ్మ
ఇపుడే పెరుగుతున్న నునులేత కొమ్మ
ఎండిపోతున్న పెదాలు
నాలుకతో తడుపుకుంటున్నాయి
మస్తిష్కం మధన పడుతుంది
కీచుమన్న శబ్దం
చూపులు కలిసి ఆగి పోయిన కనురెప్పలు
మరో క్షణంలో
తరంగంలా వెనక్కి వెళ్ళాయి
జనాల పరుగులు
క్షణంలో
సాయంత్రపు సూర్యబింబం
అదృశ్యమయింది

--- తుమ్మ భాస్కర్