మమ్మల్నెందుకిలా శిక్షిస్తారు?
మీకిది న్యాయమా?
ఒళ్ళంతా గాయాలపాలై
మంటల్లో మాడుతున్న దేహాలు
మీరంతా మాకు సమమే
కులమత లింగ వర్ణ వర్గ బేధాలు మాకు లేవు
అందరినీ మీ మీ గమ్య స్థానాలకు చేర్చే సాధనాలం
మేం చేసిన తప్పేంటి
మతం మందులో
కులం కుచ్చులలో చిక్కుకొని
మానవతవ్యం మంట గలిపి
మీరూ మీరూ రణరంగం సృష్టించుకొంటే
శిక్ష మాకా
మీ బందులకు మేం బలి
మీ కోపావేశాలకు మేం బలి
మీకు ఆనందం వచ్చినా
ఆవేశం వచ్చినా
మా దేహాలు ఆహుతవుతాయి
మీకిది న్యాయమా?
మీ గుండెను రాయి చేసుకొని
నా పై రాళ్ళు విసిరావే
గాయి పడింది
నీ తల్లి, చెల్లి
అది గ్రహించు
నరబలిని నిరసించే నీవు
ఈ బలికి పెట్టిన పేరేంటో?
---- ప్రసాద్ తుమ్మ
No comments:
Post a Comment